Cofnodion Cryno

Yn bresennol

Categori	Enwau
Aelodau’r Cynulliad:	Dai Lloyd AC (Cadeirydd) Dawn Bowden AC Jayne Bryant AC Angela Burns AC Rhun ap Iorwerth AC Julie Morgan AC Lynne Neagle AC
Tystion:	Vaughan Gething AC, Ysgrifennydd y Cabinet dros Iechyd, Llesiant a Chwaraeon Rebecca Evans AC, Gweinidog Iechyd y Cyhoedd a Gwasanaethau Cymdeithasol Simon Dean, Llywodraeth Cymru Albert Heaney, Llywodraeth Cymru Irfon Rees, Llywodraeth Cymru
Staff y Pwyllgor:	Sarah Beasley (Clerc) Sarah Sargent (Dirprwy Glerc) Philippa Watkins (Ymchwilydd) Dr Paul Worthington (Ymchwilydd)

Trawsgrifiad

Gweld trawsgrifiad o’r cyfarfod (PDF 313KB) Gweld fel HTML (163KB)

1 Cyflwyniad, ymddiheuriadau, dirprwyon a datgan buddiannau

1.1 Croesawodd y Cadeirydd yr Aelodau a'r cyhoedd i'r cyfarfod.

1.2 Cafwyd ymddiheuriadau am absenoldeb gan Elin Jones.

2 Ymchwiliad i barodrwydd ar gyfer y gaeaf 2016/17 - sesiwn dystiolaeth gydag Ysgrifennydd y Cabinet dros Iechyd, Llesiant a Chwaraeon a Gweinidog Iechyd y Cyhoedd a Gwasanaethau Cymdeithasol

2.1 Clywodd y Pwyllgor dystiolaeth gan yr Ysgrifennydd Cabinet, y Gweinidog a'u swyddogion.

3 Papurau i’w nodi

3.1 Ymchwiliad i barodrwydd ar gyfer y gaeaf 2016/17 - Gwybodaeth ychwanegol gan Ymddiriedolaeth GIG Gwasanaethau Ambiwlans Cymru

3.1.a Nododd y Pwyllgor y wybodaeth ychwanegol a gafwyd gan Ymddiriedolaeth GIG Gwasanaethau Ambiwlans Cymru.

4 Cynnig o dan Reol Sefydlog 17.42 i benderfynu gwahardd y cyhoedd o weddill y cyfarfod ac o’r cyfarfod ar 23 Tachwedd

4.1 Derbyniodd y Pwyllgor y cynnig.

5 Ymchwiliad i barodrwydd ar gyfer y gaeaf 2016/17 - trafod tystiolaeth Ysgrifennydd y Cabinet dros Iechyd, Llesiant a Chwaraeon a Gweinidog Iechyd y Cyhoedd a Gwasanaethau Cymdeithasol

5.1 Trafododd y Pwyllgor y dystiolaeth a roddwyd gan yr Ysgrifennydd Cabinet, y Gweinidog a'u swyddogion, a chytunodd ar set o faterion allweddol i'w cynnwys yn ei adroddiad drafft.

6 Craffu ar gyllideb ddrafft Llywodraeth Cymru 2017-18 - trafod y llythyr drafft a gaiff ei anfon at Ysgrifennydd y Cabinet dros Iechyd, Llesiant a Chwaraeon a Gweinidog Iechyd y Cyhoedd a Gwasanaethau Cymdeithasol

6.1 Trafododd y Pwyllgor y llythyr a gaiff ei anfon at Ysgrifennydd Cabinet a'r Gweinidog mewn perthynas â'r gyllideb ddrafft 2017-18 a chytunodd arno.

7 Trafod Blaenraglen Waith y Pwyllgor

7.1 Trafododd y Pwyllgor y wybodaeth ddiweddaraf am ei flaenraglen waith yn y dyfodol, a chytunodd ar y camau a ganlyn:

· ysgrifennu at Ysgrifennydd y Cabinet dros Iechyd, Llesiant a Chwaraeon yn gofyn am ragor o fanylion ynghylch sefydlu Addysg Iechyd Cymru a'r amserlen ar gyfer yr ymgynghoriad;

· gwahodd yr Athro Robin Williams a/neu aelodau o'i dîm ymgynghorol, a wnaeth y gwaith cwmpasu ar gyfer y model newydd o ddarparu addysg a hyfforddiant i weithwyr iechyd proffesiynol, i roi tystiolaeth ar ein hymchwiliad i recriwtio staff meddygol.

Cofnodion cryno - Y Pwyllgor Iechyd, Gofal Cymdeithasol a Chwaraeon